Удмуртиысь школаосын берпуметӥ гырлы чузъяськиз

Кун Кенешысь депутатъёс туннэ выпускникъёсты, дышетӥсьесты но анай-атайёсты ӟечкылазы. Удмуртиысь 9-тӥ но 11-тӥ классъёсын дышетскисьёс понна берпуметӥ гырлы жингыртӥз. Туэ 8 но ӝыны сюрслэсь ятыр нылпиос школаез йылпумъяло. «Гажано выпускникъёс! Асьмелэн вань туж умой ӟуч веран - «Сюресэз ортчоз мынӥсь!», соин ик пуктэлэ асьтэлы ужпумъёс но быгатэ соосты быдэстыны. Эн вунэтэ: быгатонтэм ужпумъёс уг луо, луо быдэстымтэ малпанъёс», - таӵе кылъёсын 34-тӥ номеро школаысь выпускникъёслы вазиськиз элькун парламентлэн Тӧроезлэн нырысетӥ воштӥсез, Кун Кенешысь Тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилёва. Со тау кылъёссэ вераз анай-атайёслы но дышетӥсьёслы нылпиосты будэтэмзы но дышетэмзы понна.