Удмуртия Александр Волковен люкиськиз

Удмуртиын улӥсьёс элькунлэсь нырысетӥ азьмуртсэ Александр Волковез берпуметӥ сюресаз келязы. Люкиськон ортчиз 24-тӥ куартолэзе Ижкарысь Свято-Михайловской соборын. Политикез буре вайыны калык 9 часысен вуыны кутскиз.
Кун Кенешлэн Тӧроез Владимир Невоструев озьы ик сенаторен люкиськыны лыктӥз. «Ми ноку ум вунэтэ солэсь асьме шаерез яратэмзэ. Со ужаз туж секыт аръёсы, но быгатӥз шонер сюрес бырйыны. Туннэ быдэс Удмуртия куректэ», - вераз элькун парламентлэн кивалтӥсез.
«Мон оскисько, со шудо адями вал шуыса. Котыраз матысь адямиосыз но ӵыжы-выжыосыз вал шуыса гинэ ӧвӧл. Со шудо вал туж трос лэсьтыны быгатэменыз но... Со зэмос шуд: ортчем сюресэз учкыса, адӟыны ӝутэм храмъёсты, мечетьёсты, нылпи садъёсты, школаосты. Нош валтӥсез — адӟыны адямиосты, кинлы со юрттӥз. Удмурт Элькунлэн нырысетӥ азьмуртэз, калыкез но аслэсьтыз музъемзэ сюлмысьтыз яратӥсь патриот сайкытэн тодэ мед кылёз», — вераз люкиськон кылаз улосвыл кивалтӥсь Александр Бречалов.
Александр Волковез Ижкарлы матысь Хохряки гурт вӧзысь шайвылын ватӥзы.
24-тӥ куартолэзь Удмуртиын кайгырон нуналэн ялэмын.