Тазалыко улонъя вуоноез форум ортчоз Ижевскысь Устинов ёросын
15.05.2017
Туннэ ужрадлэн оргкомитетэныз заседание ортчытӥз Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилёва.
Таӵе ужрад «Единая Россия» партилэн но та удысъя ялан ужась ӧрилэн кичӧлтэмзыя трос пол радъяськиз ни.
Вуоноез таӵе форум ортчоз куартолэзьлэн пумаз Ижевскысь Устинов ёросын, 94-тӥ номеро школаын.
Отчы лыктэмъёс эмъясьёсын кенешыны быгатозы. Ужалозы терапевт, кардиолог, онколог, дерматовенеролог, опорно-двигательной аппаратлэн висёнъёсызъя, тазалыко сиськонъя эмчиос. Озьы ик, котькудӥз быгатоз мерттаны аслэсьтыз вирзӥбетсэ, ӝуждалазэ но секталазэ. Со сяна, ужрадын спортъя площадкаос ужалозы.