Кун Кенешлэн Тӧроез митрополитэн пумиськиз
11.05.2017
10-тӥ куартолэзе Ижысь но Удмуртиысь Митрополит Викторин аслэсьтыз вордскем нуналзэ пусйиз. Кун Кенешлэн Тӧроез Владимир Невоструев со нуналэ Свято-Михайловской Соборе ветлӥз но пумиськиз удмурт митрополиялэн кивалтӥсеныз. Элькун парламентлэн Тӧроез ӟечкылаз сое вордскем нуналэныз, сӥзиз шуд но тазалык азьпал улоназ. Ижысь но Удмуртиысь Митрополит Викторин шуныт кылъёсыз понна тау шуиз, но вераз, епархия но государство котьку ӵош ужазы шуыса.