Муниципалитетъёсын депутатъёслэсь лыдзэс кулэстыны быгатозы Удмуртиын

Удмуртиысь муниципал кылдытэтъёсын депутатъёслэсь лыдзэс кулэстыны кулэ. Со сярысь 14-тӥ южтолэзе вераз улосвыл парламентлэн тӧроез Владимир Невоструев. «Вань интывылъёс, кытын депутатъёс 30 адямилэсь трос. Бырйыны со кандидатъёсты, кин ужалоз депутат луыса, туннэ секыт. Уждунтэк ваньзылэн ужамзы уг поты, соин ик, дыр, умой луысал ӧжытгес, но умойёссэгес, ӟечгес дасямъёссэ ужасьёсты возьыны, кин зэмзэ но ужалоз, лыдпус понна гинэ кулэ ӧвӧл», - шуиз кун Кенешлэн Тороез.
Владимир Невоструев малпамъя, 20 депутатэн тырмыт луоз. Воштӥськонъёс вуоно быръёнъёслы луыны быгатозы.
Тодэ вайытом, кылем арын шуркынмон пумын Удмуртилэн Кун Кенешысьтыз депутатъёслэсь лыдзэс кулэстон сярысь пумкылъян кутэмын вал — 90-ысь 60-озь.