Выль школаез усьтӥзы Ижкарысь «Столичный» микрорайонын
12.02.2017
10-тӥ тулыспалэ Ижкарысь «Столичный» микрорайонын 825 интылы чаклам выль школаез усьтӥзы. Сӥё-дано ужрадэ Удмуртилэн Тӧроез Александр Соловьёв, Кун Кенешлэн кивалтӥсез Владимир Невоструев, Россиысь лэсьтӥськонъя но жилищно-коммунальной возёсъя министрлэн воштӥсез - статс-секретарь Наталья Антипина пыриськизы.
Выль школа элькун лицей-интернат луоз, отын микрорайонысь пиналъёс сяна, быдэс элькунысь пиналъёс дышетскыны быгатозы.
Федерал коньдэт юрттэмен школаез пуктыны оглом 620 миллион манет быдтэмын. Дышетон тӥрлык басьтыны Удмуртия 150 миллион манет висъяз.
Школаын инъето но нимысьтыз тодметъёсты мур дышетон программаос быдэсъяськозы, инжернено-технической но медико-биологической классъёс кылдытэмын луозы.