Владимир Невоструев Минтимер Шаймиевез юбилееныз ӟечкылаз
21.01.2017
20-тӥ толшоре Кун Кенешлэн Тӧроез Владимир Невоструев Татарстанлэсь Кун Советниксэ, азьвыл Президентсэ Минтимер Шаймиевез 80 аресъем юбилееныз ӟечкылаз. «Тӥледыз элькунады гинэ ӧвӧл, быдэс Россиын гажало. Дас тямыс арлэсь трос тӥ кивалтӥды Татарстанэн. Президент луыса ужакуды быгатӥды асьтэлэсь элькундэс азьлане поттыны, калыклэсь улонзэ умоятыны», - гожтэмын ӟечкылан телеграммаын.
Элькун парламентлэн кивалтӥсез сӥзиз Минтимер Шаймиевлы юн тазалык, азинсконъёс но кузь улон сюрес.