Кун Кенешлэн Тӧроез Росси Азьмуртлэн Федерал Собранилы вазиськон ужрадаз пыриськоз

Туннэ, 1-тӥ толсуре, Россилэн азьмуртэз Владимир Путин Федерал Собранилы вазиськонзэ шараялоз. Со вералоз кунэз азинтонъя валтӥсь ӧръёс сярысь. Бадӟым саклык котьку сямен ик мерлык удыслы, кунлэн мерлык ужъёсызлы висъяськоз. Таиз вазиськон Россилэн выль историяз 23-тӥез луоз, нош Путин понна 13-тӥез. Таӵе вазиськон Владимир Путин понна 13-тӥез луоз. Удмуртиысь ужрадэ пыриськозы элькунлэн Тӧроез Александр Соловьёв но Кун Кенешлэн кивалтӥсез Владимир Невоструев.
Дышем сямья, ужрад кутскоз Москва дыръя 12 часын Кремль дворецлэн Георгиевской залаз. Кун Думаысь но Федераци кенешысь парламентарийёс сяна, отчы пыриськозы кивалтэтлэн ёзчиосыз, судъёслэн, избиркомлэн, лыдъян но мер палатаослэн, улосвылъёслэн но мукет ведомствоослэн кивалтӥсьёссы. Федерал люкаськонлы вазиськон Президентлэн валтӥсьёсыз пӧлысь ужрадэз луэ. Отын со кунын югдурлы дунъет сётэ, политикалэсь огъя ӧръёссэ пусъе.