«Единая Россия» фракция Кун Кенешлэн вуоно сессияз эскероно ужпумъёсты сэрттӥз-пертчиз
28.11.2016
28-тӥ шуркынмонэ Алексей Прасолов кивалтэм улсын Кун Кенешысь «Единая Россия» фракцилэн кенешонэз ортчиз. Отчы пыриськиз Удмуртилэн Тӧроез Александр Соловьёв но элькун парлментлэн Тӧроез Владимир Невоструев. Депутатъёс вуоно сессилэсь повесткаысьтыз юанъёссэ эскеризы. Кылсярысь, Удмуртилэн 2016-тӥ арлэн бюджетаз ватсанъёс пумысен вераськон мынӥз. Со сяна, элькунлэн 2017-тӥ арлы бюджэтэзлэсь проектсэ дурбасьтӥзы.
Пумиськонын элькун парламентысь депутатъёслэсь лыдзэс 90-ысен 60-озь кулэстон ужпумез но ӝутӥзы. Тодэ вайытом, сыӵе кичӧлтонэн потӥз калыкен быръемъёслэн группазы. Та юан пумысен депутатъёс ӟырдыт кенешизы. Фракциысь тросэз 
парламентариос кулэсэстон понна дурбасьтӥзы. Озьыен, та ужпумез Кун Кенешлэн 29-тӥ шуркынмонэ ортчись сессияз эскерозы.