Ёросъёсысь егит депутатъёс Кун Кенеше люкаськылӥзы
16.11.2016
16-тӥ шуркынмонэ Кун Кенешын ёросъёсысь но поселениосысь егит депутатъёсын дышетскон семинар ортчиз. Лыктэмъёс азьын вераськизы ялан ужась вань ӧриослэн кивалтӥсьёссы. Ужрадэз усьтыкуз, элькун парламентлэн спикерез Владимир Невоструев пусйиз, муниципал кылдытэтъёсын 30 аресозь депутатъёс ваньмыз ӧвӧл 331 адями. Кун Кенешлэн Тӧроез вераз, Удмуртилэн парламентэз ёросъёсын сэзь ужа шуыса. Кылсярысь, Кун Кенешлэн нуналъёсыз ортчо. 24 шуркынмонэ сыӵе нунал радъяськоз Воткинскын. Со сяна, таяз арын Кун Кенешын ортчиз Дэри ёрослэн нуналыз.
Владимир Невоструевлэн верамезъя, бырйисьёс егит депутатъёслы туж кулэлыко уж оскизы, но со осконэз одно ик пыӵатоно уже.