Владимир Невоструев калыкен пумиськон ортчытиз
11.11.2016
Элькун парламентлэн спикерез доры трос юанъёсын лыктӥзы. Кылсярысь, Селта ёросысь муш утись Сергей Эшмаков аслаз дэмланъёссэ вераз, кызьы элькунамы муш вордонэз будэтоно но азьланьтоно шуыса. Со сяна, Индустриальной ёросын нылпи площадка ӝутон сярысь юан сётэмын вал. Туннэ ик Владимир Невоструев доры вазиськиз Удмуртилэн сиё-дано гожъяськисез Олег Шибанов. Со, история наукаосъя докторен Аркадий Тронинэн ӵош «Ребята с нашего двора» книга дасям, кудӥз сӥземын война вакытысь нылпиослы. Гожъяськись книгаез поттон понна уксёен юрттэт куриз. Кун Кенешлэн Тӧроез вераз, удмурт шаерлэн историез сярысь гожъясьёсты вунэтоно ӧвӧл шуыса но оскытӥз юрттонэн.